मेरा सम्पूर्ण मित्रहरुमा मेरो न्यानो अभिबादन !
पहिलो प्रयास अनुरुप मैले आफ्नो ब्यतिगत ब्लग बनाउने कोशीश गरेको छु र यस कार्यमा तपाईंहरुको ठुलो सहयोगको आशा गरेको छु । तसर्थ तपाईंहरुसँग भएका लेख, रचन, कथा , कबिता अनी गजल तथा कुनै पनि रोचक कुराहरु छन भने मलाई तल लिखित ईमेलमा पठाइ दिनु हुन अनुरोध गर्दछु र साथै कुनै पनि लेख पठाउदा आफ्नो फोटो पठाउन नबिर्सिनु होला ता कि तपाईंको लेख सँगइ तपाईंको फोटो पनि समाबेश गर्न सकौ ।
email id: raju_rai00@yahoo.com
मेरो अपिल पून: यहाँहरुलाई
नखोज्नु है मलाई बसन्त ऋतुको हरियालीमा
म त उजाड मरुभुमिमा हर्राई सकेछु
नसंझिनु है मलाई कुनै खुशियालीमा
म त दुःख र आँशुको सागरमा पो डुबिसकेछु ।।
नखोज्नु है मलाई पूर्णिमाको जुनेली रातमा
म त ५५ डिग्रीको घाममा जल्न पुगेछु
नखोज्नु है मलाई हजारौ दुनियाँको भिडमा
म त बालुवै बालुवाको भरुभुमीमा पो पुगी सकेछु ।।
नखोज्नु है मलाई बिहानीको सुस्तरी पवनमा
म त समुन्द्रि आँधिमा बडारीन पो पुगी सकेछु
नखोज्नु है मलाई वरपिपलको छहारीमा
म त रुखै नभएको मरुभुमीमा पो मडारिन पुगी सकेछु ।।
नखोज्नु है मलाई जन्म भुमीको कुना कुनामा
म त गाउँ घर छाडि समुन्द्र तरि पराई बनिसकेछु
नखोज्नु है मलाई पहिलाको गाउँ घरको ठेगानामा
म त अब परदेशि पो भैसकेछु, परदेशि पो भैसकेछु ।।