-राजु राई
यो कबिता मिती २०५९ असार १३ गते लेखिएको हो ।
अनगिन्ती अक्षरहरुले पुरिएका
मेरा बिकासप्रेमी पाइलाहरु
त्यो जन्जिरको थुप्रोबाट उक्सन खोज्दै छ ।
त्यसको बदलामा
झन शिशिरको पतझड हावाले
अत्तरहरु निरन्तर ल्याइ दिने छ
त्यसको एउटा महान थुप्रो बन्ने छ
शायद त्यो अटलता र बिशालताको हुने छ ।
तर मेरा प्रगतिप्रेमी चाहनाहरु
उत्थानबादी रहरहरु खै! किन त्यही थुप्रोमा गुम्सदै छ
हजारौ प्रयासका बाबजुद पनि
मेरा ती बिकासप्रेमी दुई पाइलाहरुले
ताजा हावा लिन पाउने छैन
बिकासका सिर्जना देख्न पाउने छैन .
केवल उ पाइला चालु वा नचालुको बिडम्बनामा परी
टक्क अडिरहने छ, चुपचाप् सही रहने छ ।
अनि इतिहासका एउटा कतित पात्र बन्ने छ ।
जुन केवल किताबको पानामा सजिने छ
निर्जिब मूल्य सरी केवल निर्जिब मूल्य सरी ।
0 प्रतिक्रियाहरू to “ईतिहासमा मेटिएका पाइलाहरु””